• smithjayanth6

317- ஓட்டங்கள் வித்தியாசத்தில் இந்திய அணி அபார வெற்றி.


இந்தியா-இங்கிலாந்து அணிகள் இடையிலான 4 ஆட்டங்கள் கொண்ட டெஸ்ட் போட்டி தொடரில் 2-வது டெஸ்ட் கிரிக்கெட் போட்டி சென்னை சேப்பாக்கத்தில் உள்ள எம்.ஏ.சிதம்பரம் ஸ்டேடியத்தில் நடந்து வருகிறது. இதில் முதல் இன்னிங்சில் இந்திய அணி 329 ஓட்டங்கள் குவித்து ஆட்டம் இழந்தது.


அதிகபட்சமாக ரோகித் சர்மா 161 ஓட்டங்களையும் , ரஹானே 67 ஓட்டங்களையும் , ரிஷாப் பண்ட் ஆட்டம் இழக்காமல் 58 ஓட்டங்களையும் எடுத்தனர். இங்கிலாந்து அணி முதல் இன்னிங்சில் 134 ஓட்டங்களில் ஆட்டமிழந்தது. அதிகபட்சமாக பென் ஸ்டாக் 42 ஓட்டங்கள் எடுத்து ஆட்டம் இழக்காமல் இருந்தார். இந்திய அணி தரப்பில் ஆர்.அஸ்வின் 5 விக்கெட்டுகள் கைப்பற்றி இருந்தார் .


195 ஓட்டங்கள் முன்னிலையுடன் 2-வது இன்னிங்சை தொடங்கிய இந்திய அணி, அஸ்வினின் 106 , விராட் கோலியின் 62 , பொறுப்பான ஆட்டம் ஆகியவற்றால் 286- ஓட்டங்கள் குவித்து ஆட்டமிழந்தது.

இதன் மூலம் இங்கிலாந்துக்கு 482 ஓட்டங்கள் வெற்றி இலக்காக இந்திய அணி நிர்ணயித்தது.

இமாலய இலக்கை நோக்கி 2-வது இன்னிங்சை ஆடிய இங்கிலாந்து அணி நேற்றைய ஆட்ட நேரம் முடிவில் 19 ஓவர்களில் 3 விக்கெட் இழப்புக்கு 53 ஓட்டங்கள் எடுத்து திணறியது. இன்று 4- ஆம் நாள் ஆட்டம் துவங்கியதும் இங்கிலாந்து அணி அடுத்தடுத்து விக்கெட்டுகளை இழந்தது.

இந்திய அணியின் அக்‌ஷர் படேல், அஸ்வின் பந்து வீச்சை சமாளிக்க முடியாமல், இங்கிலாந்து வீரர்கள் வருவதும் போவதுமாக இருந்தனர். 54.2 ஓவர்கள் தாக்குப்பிடித்த இங்கிலாந்து அணி 164- ஓட்டங்களுக்கு ஆட்டமிழந்தது. இதன் மூலம் இந்திய அணி 317- ஓட்டங்கள் வித்தியாசத்தில் அபார வெற்றி பெற்றது.

4 views
TGTEnew-2.jpg
NYC Skyline BW

Breaking News:

Meiveli media's vision is to
Engage, Enlighten and Encourage Tamil Community towards open dialogue.
we produce shows on the basis of  Tamil community's culture, perception, economic condition, social networks, political and power structures, norms, values, demographic trends, history past experiences.

Subscribe to Our Newsletter

  • White Facebook Icon

© Meiveli